Sú er orðin staðreyndin að við sem búum á minni stöðum skulum kaupa fréttablaðið ef okkur þóknast að lesa það, þó ekki væri nema tilkynningar og auglýsingar.

Hvað segja þeir sem kaupa auglýsingar í blaðið, getur verið að verðið á auglýsingum hafi lækkað við þessa skerðingu ?

Allavega er stór hópur af fólki sem ekki kaupir blaðið og þá að sjálfsögðu hefur blaðið minna vægi fyrir auglýsendur.

Gaman væri að heyra hvort fólk er bara sátt við þetta og ekki síður þann stóra hóp sem kaupir auglýsingar í Fréttablaðinu.

LOKS  KOM AÐ ÞVÍ AÐ MENN TAKA TIL HENDINNI OG VILJA LÁTA ÞINGMENN STANDA VIÐ ÞÓ EKKI VÆRI NEMA SMÁ BROT AF ÞVÍ SEM LOFAÐ HEFUR VERIÐ Í MÖRG ÁR.

Vonandi bara að bílstjórar fari ekki yfir strikið en hafi frekar úthald til að vera áberandi í fjölmiðlum þar til stjórnvöl skilja að þeirra tími er kominn,  því nú duga ekki lengur orð  Jóhönnu " OKKAR TÍMI MUN  KOMA" því nú er hann sko kominn og þó ráðamenn fari undan í flæmingi vegna olíuverðs þá er allt þetta bull með akstur og aksturstíma langt frá því að vera boðlegt og þó þingmenn gerðu nú ekki annað en að byrja á sér sjálfum og hafa fordæmið í lagi.

Eitt dæmi:  Bílstjóri með öll réttindi til að aka stórum bíl hefur lögbundin réttindi samkvæmt stjórnarskrá til að aka svona bílum og þau réttindi verða ekki af honum tekin nema með bótagreiðslum. Samt á að krefja viðkomandi um að hann kaupi ökukort og ef hann ekki sko gerir það með góðu þá er honum boðuð sektargreiðsala uppá 50-80 þúsund, í stað þess að ef það á að krefjast þessa þá skal honum skaffað þetta kort án greiðslu og án ábyrgðar.

Ég er alls ekki að gera lítið úr því að það þurfa að vera reglur til að fara eftir, en alls ekki óreglur sem gera mönnum nánast útilokað að vinna þessa vinnu.

Sem dæmi hvaða ástæða er til þess að krefjast þess að bílstjóri sé í hvíld í 11 klukkustundir, við vitum öll að það sefur engin svo lengi og flestir eru vaknaðir eftir svona 8 tíma eða svo og hvað á þá bílstjóri af sér að gera ef sem dæmi komið er með farm í lítið byggðarlag þar sem hann þekkir engann og það tekur hugsanlega 15 mínútur að taka af gám og setja annan á vagn, víða er ekki seldur matur hvað þá að hægt sé að komast á vc, sturtu eða nokkuð.

Ef hér er fróður maður sem getur komið með lausn á þessu eina vandamáli þá skal ég taka ofan fyrir honum og skulda viðkomandi svo sem einn bjór.